Breytt fyrirkomulag við greiðslu launa ríkisstarfsmanna

Í kjölfar ábendinga og athugasemda sem hafa borist vegna fyrirkomulags á greiðslu launa hefur Fjársýslan leitað leiða til að gera breytingar þar á.

Laun verða greidd án undantekninga 1. hvers mánaðar

Fjármála- og efnahagsráðuneytið hefur heimilað Fjársýslunni að gera breytingar á fyrirkomulaginu sem hefur verið við líði. Ákvörðun ráðuneytisins er að frá og með næstu mánaðamótum verða laun ríkisstarfsmanna ávallt greidd út fyrsta dag mánaðar alla mánuði ársins. Á það einnig við þegar fyrsta dag mánaðar ber upp á helgi eða lögbundinn frídag.

Launagreiðsludagur um næstu mánaðamót verður því 1. október, sem ber upp á laugardag.