Á orlofsvef Kjalar býðst félagsfólki kostakjör á gjafabréfum fyrir flug og hótel, útileigukortið og veiðikortið á niðurgreiddu verði og mikið úrval af orlofs húsum og íbúðum vítt og breytt um landið á frábæru verði.

Nú stendur yfir könnunin Sveitarfélag ársins. Könnunin er hluti af samstarfsverkefni bæjarstarfsmannafélaga og stéttarfélaga innan BSRB og nær til félagsmanna sem starfa hjá sveitarfélögum. Markmið verkefnisins er að styrkja starfsumhverfi sveitarfélaganna með því að draga upp heildarmynd af starfsumhverfi og starfsánægju félagsmanna. Könnunin lokar þann 10. júlí og eru allir sem fengu könnunina senda hvattir til að taka þátt og leggja þannig hönd á plóg í baráttunni fyrir betra starfsumhverfi. Þeir sem taka þátt lenda sjálfkrafa í happdrætti þar sem tíu heppnir svarendur hljóta vinning að verðmæti 10.000 kr.

Nýlega féll dómur í Félagsdómi þar sem viðurkennd var krafa Kjalar fyrir hönd félagsmanns þess að honum yrði greiddur ferðakostnaður vegna ferða til og frá vinnu. Í kjarasamningi segir að hefjist vinnutími starfsmanns eða hann er kallaður til vinnu á þeim tíma sem almenningsvagnar ganga ekki skuli honum séð fyrir ferð eða greiddur ferðakostnaður. Umræddur félagsmaður bjó á Þingeyri en starfaði hjá Ísafjarðarbæ. Kjölur taldi félagsmann sinn eiga skýlausan rétt til greiðslu ferðakostnaðar og var það að lokum samþykkt í samstarfsnefnd aðila en þá taldi Ísafjarðarbær sér heimilt að greiða samkvæmt kílómetragjaldi Sjúkratrygginga Íslands en ekki samkvæmt ákvörðun ferðakostnaðarnefndar ríkisins. Kjölur mótmælti þessu og stefndi málinu fyrir Félagsdóm.

Skrifstofa Kjalar á Akureyri verður lokuð fimmtudaginn 6. júlí vegna viðhalds orlofshúsa. Skrifstofa Kjalar á Grundarfirði verður opin sem og almenn símsvörun og þjónusta í gegnum tölvupóst. Skrifstofa Kjalar á Akureyri opnar aftur föstudaginn 7. júlí kl 10:00. 

Kosningu um breytingar og framlengingu á kjarasamningi Kjalar við Samtök fyrirtækja í velferðarþjónustu (SFV) lauk í dag. Samningurinn sem nær til félagsfólks Kjalar sem starfar við Hjúkrunarheimilin Fellsenda, Dalbæ, Hornbrekku og Heilsuvernd á Akureyri var samþykktur með yfirgnæfandi meirihluta greiddra atkvæða. 

Vegna sumarleyfa starfsfólks Kjalar þá verða skrifstofur Kjalar lokaðar á eftirfarandi tímabilum í sumar:  Skrifstofa Kjalar á Akureyri verður lokuð frá og með 24. júlí og opnar aftur 14. ágúst.  Skrifstofa Kjalar á Ísafirði verður lokuð frá og með 6. júlí og opnar aftur 24. ágúst.  Skrifstofa Kjalar á Grundarfirði verður lokuð frá og með 17. júlí og opnar aftur 8. ágúst.  Símsvörun og þjónusta í gegnum tölvupóst verður opin þrátt fyrir sumarlokanir skrifstofanna. Síminn verður opinn mánudaga - fimmtudaga frá 10:00-16:00 og föstudaga frá 10:00-13:00.

NTR Ráðstefnan, Nordisk Tjänstemannsråd, fór fram í Reykjavík dagana 25. til 27. júní á Hilton Reykjavík Nordica. NTR eru samtök bæjarstarfsmanna á Norðurlöndum og rúmlega 100 fulltrúar frá Íslandi, Færeyjum Noregi, Svíþjóð og Danmörku tóku þátt.

Hægt er að sækja um verkfallsbætur þegar annaðhvort launaseðill með skerðingu vegna verkfallsdaga liggur fyrir eða þegar skerðingin er sýnileg í vinnustund. Í umsóknarferlinu þarf að senda annaðhvort launaseðilinn með eða útskrift úr vinnustund yfir viðkomandi tímabil, sjá leiðbeiningar hér.

At­kvæða­greiðslu um kjara­samning Kjalar og Sam­bands ís­lenskra sveitar­fé­laga lauk í há­deginu í dag. Samningurinn sem gildir frá 1. apríl 2023 til 31. mars 2024 var samþykktur með 91,7% greiddra atkvæða.