Nýr kjarasamningur við sveitarfélögin undirritaður

Nýr kjarasamningur undirritaður

Samninganefndir 11 aðildarfélaga BSRB og Sambands íslenskra sveitarfélaga undirrituðu nýjan kjarasamning á öðrum tímanum í nótt. Gildistími samningsins er frá 1. apríl 2024 til 31. mars 2028. Samið var sambærilegum nótum og á almennum markaði í vor.

Félögin sem kjarasamningurinn nær til eru:

• Kjölur – stéttarfélag starfsmanna í almannaþjónustu
• Félag opinbera starfsmanna á Austurlandi
• FOSS - stéttarfélag í almannaþjónustu
• Sameyki - stéttarfélag í almannaþjónustu
• Starfsmannafélag Garðabæjar
• Starfsmannafélag Húsavíkur
• Starfsmannafélag Hafnarfjarðar
• Starfsmannafélag Mosfellsbæjar
• Starfsmannafélag Kópavogs
• Starfsmannafélag Suðurnesja
• Starfsmannafélag Vestmannaeyjabæjar

Nýr kjarasamningur verður kynntur félagsfólki viðkomandi félaga á næstu dögum.

Nú þegar fyrstu kjarasamningar á opinberum markaði hafa verið undirritaðir standa vonir til að lokið verði við gerð fleiri kjarasamninga á næstu dögum. Kjarasamningar hjá meginþorra félagsfólks aðildarfélaga BSRB hafa verið lausir frá 1. apríl 2024.